s’isch Kerwe gwesst en Walldorf
Kärweberischd uff Wallderferisch
Des Joah war unsa Haubdorkeschda widda en feschde Bschdandteil vum Walldorfa Kärwebrogramm. Zuerschd hewwe ma em Samsdaag Middag die offiziell Kärweereffnung durch unsa Birjameischderin Christiane Staab musikalisch unnamoolt. Noch`m Fassoschdisch hot "Ä Prosid dä Gemiedlischkeit" ned fehle derfe. Sou war fa ä schäni und friedlischi Kerwe 2013 de Grundschdoo gleegd.
Em Noochmiddaag hewwe ma dann uff de Haubdbiehn vor de Schbaarkass s´Kerwepublikum mid ämme breide Blosmussig-Potborrie, haubdseschlich Mersch, Polgas und Schlagameddlees, unnahalde. Desmol hewwe ma ä rischdisch grousi Bsetzung vun mea wi 30 Musiggarinne u Mussiga uffbringe kenne- sou viel, dass die Biehn viel zu gloo fa all wa. Zum Gligg wa`s Wedda em Kerwesamsdaag sou draumhafd, dass`d Klarinedde un Fleede (un unsa Dirigend Viktot Hamann a´) vor de Biehn s`Musiziere in de Sunn hewwe geniese kenne. Danggschää an all wu midgschbield hewwe.
Jedz kenne ma uns mid vollem Elan uff`s grouße Konzerd zamme mid de Eindrachd Germania em 15.12 (des isch de dridde Adfent) in de efangelisch Käisch voabereide. Denn Tämien schun ämol voamäige. Foahea werre ma noch em 11.11. beim Maddinszuug un em 7.12. in unsere Paddnaschdadd St. Max em Niggolauszuug midmache, a´ alljeaschliche feschde Tämiene.
Originalbericht: Dr. Olaf Lehmann
Übersetzung: Dirk Rimmler
Herzlichen Dank an alle Fotografen und besonders an Rolf Mayer von R.B.M. PhotoArt!